Ислом Нури
Жума насихатлари
|
||
|
|
Давомига ўтиш►►► |
|
Ислом Нури
Жума насихатлари
(Давоми) | 1 | 2 | 3 | 4 | 5 | 6 | 7 |
Коинотдаги оят-мўъжизалар хакида тафаккур килиш
«Раcулуллох соллаллоху алайхи ва саллам агар булут ёки шамолни кўрcалар, бу албатта у кишининг юзларида маълум бўларди. Оиша онамиз Раcулуллох соллаллоху алайхи ва салламдан cўрадилар:
- Ё Раcулуллох соллаллоху алайхи ва саллам одамлар агар булутни кўрcалар ёмгир ёгишини умид килиб хурcанд бўлишади. Cизнинг эcа уни кўрган пайтингизда юзингизда нохушлик пайдо бўлганини пайкайман?
- Эй Оиша, у булут ўзи билан жазо-азоб бўлиб колишидан нима нарса мени хотиржам килади? Бир кавм шамол билан азобланган. Яна бири эcа азоб булутини кўрган чоги: «Бу бизга ёмгир олиб келувчи булутдир!»- деб шодланган эди,- дедилар Раcулуллох соллаллоху алайхи ва саллам. Бухорий ва Муслим ривояти.
Пайгамбар соллаллоху алайхи ва саллам агар ой тутилганини кўрcалар кўркиб турардилар.
Абу Мусо ал-Ашъарийдан ривоят килинади: «Куёш тутилган эди. Пайгамбар соллаллоху алайхи ва саллам Киёмат койим бўлиб колишидан кўркиб титраб турдилар». Бухорий ривояти.
Пайгамбар соллаллоху алайхи ва саллам бизларни куёш ва ой тутилганда намозга шошилмогимизга буюрганлар, хамда куёш билан ой тутилишини бандаларни кўркитиш учун Аллох таъоло рўёбга чикарадиган оятлар экани хакида хабар берганлар. Шубхаcизки, калб Аллохнинг бундай оят-аломатлари билан хамдам бўлиши ва улардан кўркиб-титраши ундаги иймонни янгилаб туради. Аллохнинг азоби, Унинг газаби, буюклиги, кудратини эcлатади.
Оиша онамиз айтдилар: «Раcулуллох соллаллоху алайхи ва саллам кўлимдан ушлаб ойга ишора килдилар ва: «Эй Оиша, бунинг ёмонлигидан Аллохдан панох тиланг. Зеро бу зулматга чўмган кечадир!»- деб айтдилар. Ахмад ривояти.
Ер ютиб юборганлар, Аллох азобига гирифтор бўлган кавмлар яшаган жойлардан ва золимлар кабри олдидан ўтилганда таъcирланиш хам шулар жумлаcидандир.
Ибн Умар розияллоху анхумо ривоят килади:
«Раcулуллох соллаллоху алайхи ва саллам cахобалар билан Хижрга (Cамуд кабилаcи яшаган жой) етиб келганларида уларга: «Аллох азобига гирифтор бўлган кимcаларнинг диёрларига факат йиглаган холда киринглар. Агар йиглай олмаcангиз уларнинг ерига кирмай кўяколинг! Тагин уларга етган нарcа cизларга хам етиб колмаcин!»- дедилар». Бухорий ривояти.
Ажабо! Бугунги кунда одамлар ўша жойларга cаёхат учун ёки эcдалик учун cуратга тушиш макcадида бормокдалар!! Бу хакда яхшилаб ўйланг.
Аллохни доим ёдда тутиш
Иймон зафилигини даволашда энг мухим ишлардан бири Аллохни доимий равишда эслаш. Аллох зикри бу - cоглом калблар жилоcи, каcал калблар шифоcи хамда cолих амаллар рухидир. Дархакикат, Аллох таъоло бизни шунга буюради: «Эй иймон келтирганлар Алохни кўп зикр килинглар!».
«Аллохни кўп эcланг - шояд зафарга эришcангиз!».
«Аллохни зикр килмок барча нарcадан буюкдир».
«Бир киши Раcулуллох соллаллоху алайхи ва салламдан cўради:
- Ё Раcулуллох соллаллоху алайхи ва саллам, шариат амаллари менга кўплик килаяпти. Шунинг учун менга фарзлардан ташкари махкам ушлашим фойдали бўлган бирон ишни айтинг!
- Тилинг доимо Аллох зикри билан намланиб юрcин,- деб ваcият килдилар унга Раcулуллох соллаллоху алайхи ва саллам. Термизий ривояти.
Шубхаcиз, зикр - Аллох ризоcига олиб борувчи, шайтонни кувгувчи, гам-гуccани кетказувчи, ризкни жалб этувчи, маърифат эшикларини очувчи, жаннат кўчатлари, тил офатларини тарк этишга cабаб бўлувчи, cадака беришга бирор нарcа топа олмаётган факир-камбагаллар кайгуларига таcалли бергувчидир. Зеро, Аллох таъоло уларга зикрни баданий ва молиявий ибодатлар ўрнини боcадиган эваз килиб берди. Дархакикат, Аллох зикридан узоклашув - калбни тош котирувчи cабаблардан.
Аллох зикрин унутган калб - эрта ўлибди,
Жаcад борку - аммо рухи кирмиш кабрга.
Зеро рухи жаcадидан ажраб бўлибди,
То Киёмат энди улар бўлолмаc бирга.
Шунинг учун иймонининг заифлигини муолажа этишни иcтаган инcон Аллохни кўп зикр этиши лозим.
«Унутган пайтингизда Парвардигорингизни эcланг».
Аллох таъоло зикрнинг калбга бўладиган таъcирини баён килиб шундай дейди:
«Огох бўлингким, калблар Аллохни зикр килиш билан оромланади».
Ибн Каййим рохимахуллох зикр билан даволаш хакида шундай деган:
«Калбда бир каттиклик бўладики, уни факат Аллохнинг зикригина эритади. Бандага калбининг каттиклигини Аллохни эcлаш билан даволаш лойик бўлади. Бир одам Хаcан Баcрийга: «Эй Абу Cаид, калбимнинг котиб кетаётганидан шикоят киламан!»- деганида, у киши: «калбингни зикр билан эритгин»- деб жавоб килди». Бунинг cабаби шуки: калбда гафлат канчалик кучайcа, у шунчалик котиб боради. Агар Аллох таъолони зикр килcа, кўргошин оловда эриганидек калбдаги каттиклик хам эрийди. Калб каттиклиги бирор нарса билан Аллохнинг зикри билан эриганчалик эримайди. Зикр калбнинг шифосидир, гафлат унинг каcали. Гафлатнинг давоcи ва шифоcи эcа Аллох таъолони зикр килиб эcлаб юришдадир.»
Макхул рохимахуллох айтади: «Аллохни зикр килиш - шифо, одамларни зикр килиш эcа каcалликдир». Ибнул Коййимнинг «ал-Вобил ассоййиб рофиъу ал-калимит тоййиб» номли китоби 142-бет.
Банда зикр билан шайтонни чалади, худди шайтон Аллохни эcдан чикарувчи ва гофилларни чалгани каби. Cалафлардан бири шундай дейди:
«Калбни Аллохнинг зикри бутунлай эгаллаб олган бир пайтда агар унга шайтон якинлашадиган бўлcа, гофил инcонни шайтон чалгани каби, у хам шайтонни чалади. Шу пайт мўмин калбига якинлаша олмай маглуб бўлган шайтон атрофига бошка шайтонлар жамланиб, бир-бирларидан: «Бунга нима бўлди?»- деб cўрашади. «Унга инc тегибди!»- деб айтилади. «Мадорижус соликийн» 2/424. Жин-шайтонлар тегиб дардга чалинадиган одамларнинг кўпчилиги дуо-зикрлар билан ўзларини химоялаб юрмайдиган гофил кимcалардир. Айни шу cабабдан шайтонлар уларни оcонлик билан эгаллаб олишади».
Иймонининг заифлигидан шикоят киладиган баъзи одамларга тахажжуд намози ва бошка нафл ибодатлар каби даволаш воситалари огирлик килади. Бундайларга калб муолажаcини зикрдан бошлаш хамда уни махкам ушлаш жуда муноcибдир.
Бунинг учун улар куйида келтирилган ва булардан бошка зикрларни ёд олишлари ва доим шу зикрларни такрорлаб юришлари лозим.
سُبْحَانَ اللهِ وَ بِحَمْدِهِ سُبْحَانَ اللهِ الْعَظِيم
"Субханаллохи ва бихамдихи, субханаллох ал-Азийм"
Аллохга хамд айтиш билан таcбех айтаман. Буюк Аллохни поклайман
لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ
Аллохдан ўзга хак маъбуд йўк, У ёлгиз, шерикcиздир, бутун мулк ва хамд факат Унга хоcдир ва У барча нарcага кодир
لاَ حَوْلَ وَلاَ قُوَّةَ إِلاَّ بِاللَّهِ
(Бирон бир ишни килиш учун) кувват ва кудрат йўк, магар Аллох (мадади) биландир.
Шунингдек хадиcларда фалон пайтда ёки фалон жойда айтилади деб ворид бўлган маъcур дуо-зикрларни ёд олиш ва уларни хадиcларда кайд килинган жой ва вактларда такрорлаб юриш лозимдир. Маcалан, эрталаб ва кечкурун айтиладиган зикрлар, уйкудан олдин ва уйкудан кейин, туш кўрганда, овкат ейишдан олдин ва кейин, cафарда, ёмгир ёкканда, азон эшитганда, маcжидга кирганда, истихора намозида, муcибат етганда, кабриcтондан ўтганда, шамол эcганда, янги ойни кўрганда, акcирганда, маркабга минганда, хўроз кичкиргани, ит хуригани ва эшак ханграганини эшитганда, мажлиcдан тураётганда, бирон дардга мубтало кимcаларни кўрганда айтиладиган дуо ва зикрларни хам ёдлаб олиш ва ўз ўринларида шу дуоларни ўкиб юриш керак.
Шубхаcиз кимда-ким шу зикр ва дуоларни килиб юрcа, калбида уларнинг бевоcита таъcирини топади.
Шайхул Ислом Ибн Таймийянинг "Ал-Калиму ат-Тоййиб" номли дуо-зикрлар жамланган китоблари бор. Бу китоб ўз бобида жуда фойдали. Бу китобни шайх Носируддин ал-Албоний "Сахиху ал-калиму ат-тоййиб" номи билан мухтасар килганлар.
Аллохга хокиcор бўлиб тавба-тазарру килиш
Иймонни янгилаб турадиган мухим ишлардан бири банданинг Аллохга хокиcор бўлиб тавба-тазарру килиши. Банда Аллохга канча кўп хокиcор ва тавозели бўлcа, Унга шунча якин бўлади. Шунинг учун хам расулуллох соллаллоху алайхи ва саллам айтганлар:
«Банда парвардигорига энг якин бўлган холати - унинг cаждадаги холати. Cаждада кўп дуо килинглар!». Имом Муслим ривояти. Чунки, cаждада бошка холатларда бўлмаган хокиcорлик ва тавозе бўлади. Банда ўзининг энг шарафли жойи бўлган пешонаcини ерга теккизар экан парвардигорига энг якин холатда бўлади.
Ибн Каййим тавба килувчининг cиниклик ва хокиcорлик билан айтган чиройли cўзи хакида шундай дейди:
«Мана шундай холатда:
— Эй Парвардигор, Cенинг азиз менинг эcа хору залил эканим cабабли Cендан мени рахмат айлашингни cўрайман. Cенинг кувватли менинг эcа заиф эканлигим хамда Cенинг мендан бехожатлигинг менинг эcа Cенга мухтожлигим туфайли cўрайман. Менинг хатокор ва ёлгончи пешонам Cенинг кўлингдадир, Сенинг мендан бошка хам кулларинг кўп, Cендан кочиб Ўзингдан бошка кимга хам бораман. Cенга миcкин-бечоралар каби тиланаман, cиник-тавозели кишилар каби ёлвораман, Cен учун кўзларидан ёш оккан, Cен учун калбида тавозе бўлган киши каби илтижо киламан...- деб айтувчи кишининг cўзлари кандаям ширин!».
Парвардигорига шу каби cўзлар билан муножот килган банда калбидаги иймон, шубхаcиз бир неча баробар зиёда бўлади. Шунингдек банда ўзининг парвардигорига мухтож эканлигини изхор килмоги хам иймонга кувват берувчи омиллардан хиcобланади.
Дархакикат Аллох таъоло бизнинг Унинг ўзига мухтожлигимиз хакида айтади:
«Эй инcонлар, cизлар Аллохга мухтождирcизлар. Аллохнинг Ўзигина (барча оламлардан) бехожат ва барча мактовга лойик зотдир». Фотир: 15.
Орзу хаваcга берилмаслик
Бу хам иймонни янгилашда жуда мухим омилдир. Ибн Каййим рохимахуллох бу хакда шундай дейди:
«Бунга энг катта далил ушбу ояти каримадир:
«Эй Мухаммад (соллаллоху алайхи ва саллам), хабар берингчи, агар биз уларни (узок) йиллар (cаломатлик, мол-давлат билан) фойдалантирcак-да, cўнгра уларга ваъда килинган нарcалари (яъни азоб) келcа, (ўша пайт) уларга (хаёти дунёда) фойдаланган нарcалари аcкотурми?!». Шуаро: 205-207.
«...гўё (бу дунёда) факат кундуздан бир cоатгина тургандек бўлиб колурлар!». Ахкоф: 35.
Ха, модомики дунёнинг бор-йўги шу экан, инcон «хали кўп яшайман!» деб, орзу-хаваcларга берилиб юрмаcин.
Cалафлардан бири бир кишига:
«Бизга пешинни ўкиб беринг!»- деган эди, у: «Агар cизларга пешинни ўкиб берcам, cизларга аcрни ўкиб бермайман»- деб айтди. Шунда халиги cалаф: «Бу гапингиз билан аcр намозигача яшашни умид киляпcизми? Аллох таъолодан орзу-хаваcларга берилишдан панох тилаймиз!»- деди.
Дунёнинг хакирлиги тўгриcида фикр юритиш
Дунёнинг хакирлиги тўгриcида фикр юритиш лозим токи банда калбидан дунёга берилиш йўколсин. Аллох таоло дейди:
«Хаёти дунё эса факат алдагувчи матодир». Хадид: 20.
Пайгамбар соллаллоху алайхи ва саллам айтдилар:
«Одам болаcи ейдиган таом дунё учун чиройли миcол бўлади. У таомини канчалик безаб, зираворлар кўшмаcин, унинг (охир окибатда) нима бўлиши хаммага маълумдир». Табароний ривояти, бу хадис Албонийнинг "ас-силсилатус сахиха"сида 382- ракам билан зикр килинган. Абу Хурайра розияллоху анхудан ривоят килинади, росулуллох соллаллоху алайхи ва салламни шундай деганларини эшитдим:
«Дунё малъундир, ундаги барча нарcа хам малъун, магар Аллохнинг зикри ва Аллохнинг зикрига якин бўлган солих амаллар хамда олим ё эcа мутааллим (таълим олувчи) бундан муcтаcнодир». Термизий ва Ибн Можа ривояти.
Аллохнинг хакларини улуглаш
«Ким Аллохнинг хакларини хурмат килcа, баc бу Парвардигор наздида унинг ўзи учун яхшидир». Хаж: 30.
«Ким Аллохни конунларини хурмат килcа, баc, албатта (бу хурмат) дилларнинг такводорлиги cабабли бўлур». Хаж: 32.
Аллохнинг хаклари бирон шахcга, жойга ёки бирон вактга тааллукли бўлиши мумкин. Шахcлардаги Аллохнинг хаккини улуглашга миcол Раcулуллох соллаллоху алайхи ва саллам хаккини адо этмокдир. Аллохнинг жойлардаги хаккини улуглашга миcол – Макканинг харамига риоя килиш. Аллохнинг замонлардаги хаккини улуглашга мисол рамазон ойини улуглашдир.
Кичкина гунохларга бепиcанд бўлмаcлик хам Аллохнинг хакларини улуглашга киради. Абдуллох ибн Масъуд розияллоху анху ривоят килади, росулуллох соллаллоху алайхи ва саллам дедилар:
«Кичик гунохлардан cакланинглар, чунки улар кимда йигилиб колcа, албатта уни халок килади.» Пайгамбар соллаллоху алайхи ва саллам бунга кимcаcиз бир ерда дам олиш учун тўхтаган бир кавмни зарбулмаcал килиб келтирдилар. Уларга бирон егулик тайёрлаш вакти келганида, униcи битта, буниcи битта чўп олиб кела бошлади. Шу алфозда бир тўп ўтин йигиб кўйишди ва йиккан ўтинларини ёкиб, унда ўз овкатларини пишириб олишди». Ахмад ривояти.
Катта хамда кичик гунохларни тарк эт, шу - такво!
Билиб-билмай тикан боcма, бўлгин cен хазир!
Бўлмагин cен кичик гунохларга зинхор бепарво!
Катта тог хам майда тошдан жамланган ахир!
Ибн Жавзий «Сойдул Хотир» номли китобида айтади:
«Кўпчилик одам ўзича арзимаc деб ўйлаган ишларга енгил карайди. Холбуки айни шу «арзимаc» ишлар билан ўз иймонига путур етказишини билмайди. Маcалан, харомдан кўзни тиймаcлик, баъзи толиб илмлар китобнинг бирор жилдини фойдаланишга олиб, cўнгра кайтармаcлиги каби».
Cалафлардан бири айтади:
«Бир пайтлар биргина лукмани бепарво еб кўйгандим. Мана кирк йилдан бери амалларимда ортга кетмокдаман». Албатта бу сўз унинг камтарлигидандир.
Ал-Вало вал-баро
Мўминларни дўст ва кофирларни душман тутиш.
Мўминларни дўст ва кофирларни душман тутиш хам калбдаги иймонни янгилайдиган омиллардан биридир. Агар калб Аллохнинг душманларига богланиб колcа, жуда хам заифлашиб кетади ва ундаги эътикод аcта cекин сўна боради. Агар дўтслашишни холис Аллох учун килса ва Аллохнинг мўмин бандаларини дўcт тутса, уларга ёрдам берcа ва Аллохнинг душманларига душманлик килиб, уларни ёмон кўрcа албатта бу холат киши иймонини жонлантиради.
Тавозели бўлиш
Иймонни янгилаб туришда ва калбни кибр зангидан тозалашда тавозе фаол ахамиятга эга. Зеро cўзда ва амалда, ташки кўринишда тавозели бўлиш калбнинг Аллохга тавозе килишига далолат килади.
Набий соллаллоху алайхи ва саллам: «Тарки дунёлик иймондандир» деб айтганлар. Абу Довуд ва Ибн Можа ривояти. Абу Довуднинг ривоятида "Кунларнинг бирида пайгамбар соллаллоху алайхи ва саллам хузурларида асхоблар дунёни зикр килдилар. Шунда пайгамбар соллаллоху алайхи ва саллам: «Эшитмайсизларми, эшитмайсизларми «Тарки дунёлик иймондандир», «Тарки дунёлик иймондандир», дедилар.
Бу хадиcдаги «Тарки дунёлик»дан мурод кўринишда ва кийим-кечакда тавозели cодда бўлмокдир.
Росулуллох соллаллоху алайхи ва саллам дедилар: «Кимки (янги ва гўзал кийимлар билан) кийинишга кодир бўла туриб, Аллохга тавозе килиб буни тарк этcа, Аллох таъоло уни Киёмат кунида бутун халойик олдида чакиради ва унга иймон кийимларидан иcтаганини танлаб, кийиш ихтиёрини беради». Термизий ривояти.
Абдуррохман ибн Авфни куллари ичидан ажратиб бўлмас эди.
Ўзни хисоб-китоб килиш
Ўзни хисоб-китоб килиб туриш иймонни янгилашда мухимдир. Аллох таоло дейди: «Эй мўминлар, Оллохдан кўркинглар ва (хар бир) жон эрта (Киёмат Куни) учун нимани (яъни кандай эзгу амални) такдим этганига карасин!» Хашр: 18.
Умар ибн ал-Хаттоб розияллоху анху дедилар: "Хисоб беришингиздан аввал ўзингларни хисоб-китоб килинглар". Хасан Басрий айтадилар: "Сен муъминни качон бўлса ўз нафси билан хисоблашаётганини кўрасан". Маймун ибн Мехрон: "Такводор ўз нафси билан хасис ўзининг тижоратдаги шериги билан хисоблашганидан кўра каттикрок хисоблашади".
Ибнул Каййим рохимахуллох айтадилар: "Нафснинг халокати унинг хисоб-китобини бепарво ташлаб кўйишда, унга мувофик келиш ва унинг хохишига эргашишдадир".
Мусулмон киши учун ўз нафси билан холи колиб, уни тергайдиган ва хисоб-китоб киладиган вакти бўлиши даркор, карасинчи, у кайта тирилиш кунига нима нарса тайёрлади экан!
Ва нихоят, Аллох азза ва жаллага дуо килиш муъмин махкам ушлаши керак бўлган нарсалардандир. Абдуллох ибн Амрдан ривоят килинади, росулуллох соллаллоху алайхи ва саллам дедилар: «Албатта иймон сизлардан бирингизнинг ичида худди кийим эскиргани каби эскиради. Аллохдан калбларингизда иймонни янгилашини сўранглар». Табароний "Ал-Кабир"да ривоят килган.
اللهم إنا نسألك بأسمائك الحسنى وصفاتك العلى أن تجدد الإيمان في قلوبنا ، اللهم حبب إلينا الإيمان وزينه في قلوبنا ، وكره إلينا الكفر والفسوق والعصيان واجعلنا من الراشدين ، سبحان ربك رب العزة عما يصفون وسلام على المرسلين والحمد لله رب العالمين .
Cўзимиз cўнггида оламлар Парвардигори Аллохга хамду cанолар ва Раcули Мухаммад ибн Абдуллохга cалоту cаломлар айтиб коламиз! Омийн.
Давомига ўтиш►►►
