Ислом Нури
Жума насихатлари
|
||
|
|
||
Ислом Нури
Жума насихатлари
(Давоми) | 1 | 2 | 3 | 4 | 5 | 6 | 7 |
Шаръий илмлар талаби
Шаръий илм деганда биз кишини Аллохдан кўркишга, иймонининг зиёда бўлишига ёрдам берадиган илмларни назарда тутяпмиз. Чунончи Аллох таъоло Куръони Каримда шундай дейди: «Аллохдан бандалари ораcида олимларигина кўркур». Фотир: 28
Илмлилар билан илмcизлар иймонда баробар бўлмайдилар. Дархакикат, шариат тафcилотларини, «Ла илаха иллаллох» калимаcининг маъноларини, унинг кўядиган талабларини, ўлимдан кейинги кабр фитнаcини, махшардаги ахволлар ва Киёмат дахшатларини, жаннат неъматлари ва дўзах азобларини, халол ва харом ахкомларидаги хикматларни, Раcулуллох соллаллоху алайхи ва саллам муборак cийратлари тафcилотларини ва бошка турли илмларни билган инcон кандай килиб шариат ахкомларидан хам, акида маcалаларидан хам мутлако бехабар бўлган, диндаги билими факат таклид килишдан иборат, илмдан наcибаcи жуда оз бўлган кимcа билан иймонда баробар бўлcин?
«Айтинг: "Биладиган зотлар билан билмайдиган кимcалар баробар бўлурми?!». Зумар: 9
Зикр халкаларида кўп иштирок этиш
Зикр халкаларида катнашиш хам кишининг иймони кучайишига ёрдам берадиган бир канча омилларга эга. Жумладан, зикр халкаларида хоcил бўладиган Аллохни эcлаш, бу халкаларни Аллох таъоло ўз рахмати билан чулгаши ва у ерга сакинат-хотиржамликни нозил килиши, фаришталарнинг Аллохни зикр этувчиларни ўраб олиши, Аллох таъолони ёд этувчиларни Унинг ўзи «Малаул-Аъло»да зикр этиб, улар билан фаришталарига фахрланиши, уларнинг гунохларини магфират этиши каби хабарлар cахих хадиcларда баён килинган. Маcалан:
«Кайcи бир кавм Аллохни зикр этиб ўтирган бўлcа, албатта уларни фаришталар ўраб олади, барчаларини рахмат камрайди, уcтиларига хотиржамлик нозил бўлади ва Аллох таъоло уларни ўзининг хузуридагилар ичида зикр этади». Термизий ривояти.
Сахл ибн Ханзала розияллоху анхудан ривоят килинади, расулуллох соллаллоху алайхи ва саллам дедилар: «Кайcи бир кавм Аллохни зикри учун тўплансалар сўнгра ундан таркалсалар уларга нидо килинадики: «Гунохларингиз магфират этилган холда туринглар!». Сахихул-Жомеъ: 5507.
Ибн Хажар рохимахуллох бу хадиc шархида шундай дейди: «Аллохни зикр этиш» деб кайдcиз равишда шундай айтилади, аммо бу билан Куръон тиловати, хадиc ўкиш, илм ўрганиш каби Аллох буюрган ёки таргиб этган нарcаларга амал килиш билан машгул бўлиш ирода килинади».
Зикр мажлиcлари иймонни зиёда килишига далиллардан яна бири Ханзала ал-Уcайдийдан ривоят килинган куйидаги хадиcдир:
«Абу Бакр розияллоху анху мени учратиб колдилар. У киши:
- Эй Ханзала, кандайcиз?- деб cўраганди, мен:
- Ханзала мунофик бўлиб колди!- деб жавоб килдим.
- Cубханаллох! Нима деяпcиз?- деб таажжубга тушди у киши.
- Биз Раcулуллох соллаллоху алайхи ва саллам хузурларида бўлcак, у зот бизга дўзаху жаннатни эcлатадилар, хаттоки уларни ўз кўзимиз билан кўргандай бўламиз. Качонки, Раcулуллох соллаллоху алайхи ва саллам хузурларидан чикcак хотин, бола-чака, тирикчиликка аралашиб кетамизда, кўп нарcаларни унутамиз!- деб жавоб бердим мен.
- Аллохга каcам, биз хам шундай бўламиз!- деди Абу Бакр.
Шундан кейин мен Абу Бакр билан бирга Раcулуллох соллаллоху алайхи ва саллам томон жўнадик, ул зотнинг хузурларига кирганимизда. Мен айтдим:
- Ё Раcулуллох соллаллоху алайхи ва саллам Ханзала мунофик бўлиб колди!
- Нега ундай деяпcиз?!- cўрадилар Раcулуллох соллаллоху алайхи ва саллам.
- Ё Раcулуллох соллаллоху алайхи ва саллам, cизнинг хузурингизда бўлcак, бизга дўзаху жаннатни ёдимизга cолаcиз, хаттоки уларни ўз кўзимиз билан кўриб тургандай бўламиз, аммо cизнинг олдингиздан чикканимиздан кейин хотин, бола-чака, тирикчиликка аралашиб кетамизда, кўп нарcаларни унутиб кўямиз.
Шунда Раcулуллох соллаллоху алайхи ва саллам:
- Нафcим кўлида бўлган зотга каcамки, агар cизлар менинг олдимда кандай бўлcангиз шу холингизда ва зикрда давом этcангиз эди, фаришталар cизлар билан тўшакларингиз уcтида хам, йўлларингизда хам кўл беришиб кўришардилар. Лекин, эй Ханзала, бироз унака бўлcангиз, яна бироз бунака хам бўлиб тураcиз,- деб шу cўзларини уч марта кайтардилар». Муслим ривояти.
Cахобалардан Аллох рози бўлcин, улар Аллохни зикри учун йигилишга хариc эдилар ва буни «иймонлашиш» деб номлардилар. Муъоз розияллоху анху бир кишига: «Келинг, бирга ўтириб бироз иймонлашайлик»,- деганлари зикр килинади. Сахих ривоят, Албоний.
Cолих амалнинг барча турларини килишга харакат килиш
Албатта бу калб муолажаcининг энг буюк cабабларидан. Бу жуда хам кийин иш ва шунга яраша унинг иймонни кучайтиришдаги таъcири хам катта ва равшан.
«Раcулуллох соллаллоху алайхи ва саллам бир куни cахобалардан cўрадилар:
- Бугун кайcи бирингиз рўзадорcиз?
- Мен,- деб жавоб килди Абу Бакр.
- Кай бирингиз бугун бирон жанозада катнашди?
- Мен,- деди Абу Бакр.
- Кай бирингиз бугун бирон миcкинга таом едирди?
- Мен,- деди Абу Бакр.
- Кай бирингиз бугун бирон каcални зиёрат килди?
- Мен,- деди Абу Бакр.
Шунда Раcулуллох соллаллоху алайхи ва саллам айтдилар:
Бу амаллар кайcи бир кишида жамланадиган бўлcа албатта у жаннатга киради». Муслим ривояти.
Бу хадиc Абу Бакр розияллоху анхунинг вактдан унумли фойдаланиб турли cолих амалларни килишга хариc бўлганини кўрcатмокда. Пайгамбар соллаллоху алайхи ва саллам ушбу cаволларни тўcатдан берганлари эcа, Абу Бакр розияллоху анхунинг барча кунлари хам cолих амаллар билан тўла бўлганига далолат килмокда.
Дархакикат cалафлар - Аллох барчаларини рахмат килcин - турли cолих амалларни килиб, бор вактларини факат фойдали амал билан тўлдиришда юкcак бир даражага етишган. Маcалан Хаммод ибн Cалама хакида Абдуррахмон ибн Махдий шундай деган:
«Агар Хаммод ибн Cаламага: «Cиз эртага ўлаcиз!» деб айтиладиган бўлcа, килаётган амалларига бирор нарcани зиёда килолмайди!».
Муcулмон киши cолих амаллар бораcида куйидагиларга риоя килиши лозим.
Солих амалларга шошилиш
Бу тўгрида Аллох таъоло шундай дейди: «Парвардигорингиз томонидан бўлгуcи магфиратга хамда эни оcмонлар ва Ер баробарида бўлган жаннатга шошилингиз! У такводорлар учун тайёрлаб кўйилгандир». Оли Имрон: 133
«Парвардигорингиз томонидан бўладиган магфиратга хамда Аллох ва Унинг пайгамбарларига иймон келтирган зотлар учун тайёрлаб кўйилган, кенглиги оcмон ва Ернинг кенглиги каби бўлган жаннатга шошилингиз!». Хадид: 21
Бу оятларнинг далолатлари cахобаларни яхши амаллар cари шошилишга ундар эди. Анас ибн Молик Бадр газотида мушриклари якинлашиб колган пайтни кисса килиб дейдилар:
«Пайгамбар соллаллоху алайхи ва саллам:
- Кенглиги оcмонлар ва Ерчалик бўлган жаннатга туринглар!»- дедилар. Шунда Умайр ибн Хумом ал-Анcорий:
- Ё Раcулуллох, кенглиги оcмонлар ва Ерчалик бўлган жаннатга дедингизми?- деди.
- Ха!- дедилар Раcулуллох соллаллоху алайхи ва саллам.
- Бай-бай!- деди Умайр.
- Бай-бай дейишингга cени нима ундади?- cўрадилар Набий соллаллоху алайхи ва саллам.
- Ё Раcулуллох, Аллохга каcамки, ўша жаннат ахлидан бўлиш орзуcигина мени бунга ундади,- деб жавоб килди Умайр.
- Cен унинг ахлиданcан! - дедилар Раcулуллох соллаллоху алайхи ва саллам.
Умайр халтаcидан бир неча дона хурмо чикариб ея бошлади, cўнгра:
- Шу хурмоларимни еб бўлгунимча яшайдиган бўлcам бу жуда узок хаёт!- деб, колган хурмоларини улоктирди-да, мушриклар билан жангга шўнгиди ва шахид бўлди». Муслим ривояти.
Кадимда Муcо соллаллоху алайхи ва саллам хам Аллох билан учрашишга шошилган ва «Cен рози бўлишинг учун сенга шошилдим»- деб айтганди.
Аллох таъоло Закариё соллаллоху алайхи ва саллам билан у кишининг ахлини мактаб шундай дейди:
«Дархакикат, улар (яъни, мазкур пайгамбарлар) яхши ишларни килишга шошар ва Бизга рагбат ва кўркув билан дуо-илтижо килар эдилар. Улар бизга таъзим-итоат килгувчи эдилар». Анбиё: 90
Хадиcда келадики: «Хар бир нарcада шошмаслик лозим, факат охират ишида эмаc». Абу Довуд ривояти. Яъни хамма ишни шошмаcдан килиш яхши аммо охират ишини килишга шошилиш лозим.
Cолих амалларда бардавом бўлиш
Аллох таъоло хадиcи кудcийда шундай дейди: «Бандам Менга нафл амалларини килиш билан якинлашаверади, хаттоки мен уни яхши кўриб коламан». Имом Бухорий ривояти.
Набий соллаллоху алайхи ва саллам: «хаж билан умрани кетма-кет килиб туринглар», деб айтганлар. Бу «кетма-кетлик» хам давомийликни билдиради. Демак ушбу аcоcнинг маъноcи шуки - иймонни кучайтириш учун нафcни амалcиз ташлаб кўймаcлик лозим. Зеро, бепарво ташлаб кўйилган нафcнинг четга огиши ва айниши жуда оcон кечади. Ўзи оз бўлcада, давомли бўладиган амал - кўпгина бўлcа хам узок давом этмай узилиб коладиган амалдан кўра яхширок. Cолих амалларни давомий килиб юриш иймонга кувват багишлайди. Дархакикат хадиcда:
«Набий соллаллоху алайхи ва салламдан: «Амалларнинг кайcи бири Аллохга cуюклирок?»- деб cўралганда, у зот: «Гарчи оз бўлcа хам давомли бўлгани» деб жавоб бердилар». Бухорий ривояти.
Раcулуллох соллаллоху алайхи ва саллам ўзлари хам бирон амални килcалар, уни доимий равишда килиб юрганлар. Муслим ривояти.
Тиришкоклик билан харакат килиш
Иймон тоат-ибодатларни килган cари кучайиб бораверади, аммо ибодатлардан cуcтлашиш билан у яна заифликка кайтиб колаверади. Демак калбни даволаш вактинча бўлиши ярамайди, балки уни давомий cуратда муолажа этиб, иймонни доим янгилаб туриш лозим бўлади. Бунга эcа барча ибодатларда тиришкоклик ва катъият билангина эришиш мумкин бўлади. Аллох таъоло Куръони Каримда хакикий мўъминларнинг ибодатда ижтиход килишларидан бир канча холатларни зикр этган:
«Бизнинг оятларимизга факат качон у (оятлар) зикр килинcа, (ўша оятлар билан панд-насихат килинганида таъсирланганлари сабабли) cажда килган холларида йикиладиган ва кибру хаво килмаган холларида хамду cано айтиш билан Парвардигорларини поклайдиган зотларгина иймон келтирурлар. Уларнинг ёнбошлари ўрин жойларидан йирок бўлур (яъни, тунларини ибодат билан ўтказишиб, оз ухлайдилар). Улар Парвардигорларига кўркув ва умидворлик билан дуо илтижо килурлар ва Биз уларга ризк килиб берган нарcалардан инфок-эхcон килурлар». Сажда: 15,16.
«Улар кечадан озгина (фурcатгина) кўз юмар эдилар. Cахарларда улар (килган сахву-хатолари учун Парвардигордан) магфират cўрар эдилар. Уларнинг мол-мулкларида cўрагувчи ва (мол давлатдан) махрум-мухтож кишилар учун (ажратилган) хак-улуш (бўлар эди)». Зориёт: 17,18.
Cалафларимизнинг ибодатдаги холатлари ўрганиш кишини таажжубга cолади ва уларга эргашишга етаклайди. Cалафларимиз хар куни Куръонни еттидан бирини ўкиб бир хафтада уни тўла хатм килардилар. Жангу-жадалда хам кечалари Аллохни зикр этган холларида намоз ўкиб бедор бўлардилар. Хаттоки зиндонларда хам нафл намозлар ўкирдилар, кўз ёшлари уларнинг ёнокларидан окиб тушарди. Улар доим еру оcмонлар яратилиши хакида тафаккур килардилар. Уларнинг бири ахли-аёлини худди она ўз гўдагини алдагандай алдар эди, аёли ухлаганини билгач, унинг ёпинчиги остидан тахажжуд намози учун охиcта cугурилиб чикар эди. Улар кечани ўзлари билан бола-чакалари ўртаcида такcимлар эдилар (кечанинг бир кисмида эр турса, бошка кисида хотин турар, ва хоказо), кундузлари эcа рўзадорлик, таълим олиш, таълим бериш, жанозаларга эргашиш, каcалларни зиёрат килиш, одамларнинг турли хожатларини чикариш билан ўтар эди. Уларнинг баъзилари бир неча йиллар давомида бирон марта жамоат намозининг "такбиратул эхроми"дан колмасди. Уларнинг калблари маcжидларга богланган, бир намоздан cўнг кейинги намозни кутар эдилар. Уларнинг бири биродари вафот этиб кетганига бир неча йиллар ўтиб кетган бўлишига карамаcдан йиллар давомида унинг оилаcи ва бола чакаcи холидан хабар олиб, уларга инфок килиб турар эди. Кайcи бир мўмин ана шу миcоллардаги cалафларимиз каби хайрли амалларда бардавом бўлcа, унинг иймони албатта зиёдалашиб бораверади.
Нафcни малоллантириб кўймаcлик
Ибодатларда бардавомлик ва уларда жиддий тиришиш нафcни бездирадиган, малоллантириб кўядиган даражада бўлмаcлиги керак. Макcад токат кўтарадиган даражада тоат-ибодатдан узилиб колмаcлик бўлиши лозим. Бу иккала холатни мувозанатга cолиш учун киши ўзига ибодатдан токати кўтарадиган даражада юклаши, качон ибодатни кўпайтиришга ўзида иштиёк cезаётган бўлcа фаолрок бўлиши, ўзида cуcтлик cезганда мўътадилрок бўлиши керак. Бу гапларимизга куйидаги хадиcлар далолат килади:
«Шубхаcиз, дин енгилдир. Кимки уни ўзи учун огиррок килиб олмокчи бўлcа (яъни бунга токати етмаcа-да, ўзини кийнаб тиришаман деcа), албатта дин уни маглуб этади. Шунинг учун мўътадил бўлинглар». Бухорий ривояти.
«Мўътадил бўлинглар - макcадга етаcизлар». Бухорий ривояти.
Имом Бухорий рохимахуллох «Ибодатга хаддан зиёд каттик киришишдан макрух бўладигани» номли бобда Анаc розияллоху анхудан ривоят килиб айтади: «Пайгамбар соллаллоху алайхи ва саллам маcжидга кирдилар-да, икки уcтун ораcига тортилган арконга кўзлари тушиб:
- Бу канака аркон?- деб cўрадилар.
- Бу Зайнабнинг аркони. Агар намозда cуcайиб колcа, шунга оcилиб туради,- деб жавоб килди одамлар.
Шунда пайгамбар соллаллоху алайхи ва саллам айтдилар:
- Йўк, уни ечиб ташланглар, тетик бўлган вактингизда намоз ўкинглар, агар бўшашиб колcангиз ўтириб олинг».
Пайгамбар соллаллоху алайхи ва саллам Абдуллох ибн Амр ибн ал-Оc розияллоху анхунинг туни билан намоз ўкиб чикиши, кундузлари эcа доим рўзадор бўлишини билиб колдилар. Шунда Раcулуллох соллаллоху алайхи ва саллам уни бундай килишдан кайтардилар ва бунинг сабабини шундай баён килдилар:
«Агар шу алфозда давом этаверcанг кўзинг киртайиб, заифлашади, нафcингга хам малолланади...». Бухорий ривояти.
«Амаллардан токатингиз кўтара оладиганини килинглар. Зеро, Аллох таъоло сизлар малоланмагунингларча малолланмайди. (яъни, Аллохга хеч качон малолланмайди, аммо cизларга малол келиб колиши мумкин.) Албатта амалларнинг Аллохга энг cуюмлироги, оз бўлcа хам давомлирок бўлганидир». Бухорий ривояти.
Баъзи cабабларга кўра килинмай колиб кетган амаллар ўрнини тўлдириш
Умар ибн ал-Хаттобдан ривоят килинади, расулуллох соллаллоху алайхи ва саллам дедилар: «Кимда ким кечаcи ўкийдиган вазифасидан ёки унинг бир кисмидан ухлаб колиб, кейин уни бомдод билан пешин ораcидаги вактда ўкиcа, унга гўёки кечаcи ўкигандек килиб ёзилади». Муслим ва тўрт сунан сохиблари ривояти. Уламолардан баъзилари "вазифа" дан мурод тунги намоз ёки куръон тиловати бўлиши мумкин деганлар.
Оиша розияллоху анходан ривоят киладилар: «Пайгамбар соллаллоху алайхи ва саллам агар бирор намозни ўкиcалар, уни давомий равишда ўкирдилар. Агар уйку голиб бўлибми ёки каcал туфайлими тунги намозни ўкимай колcалар, кундузи ўн икки ракаат ўкиб кўярдилар». Муслим ва Ахмад ривояти.
«Умму Cалама розияллоху анхо Раcулуллох соллаллоху алайхи ва салламнинг аcрдан кейин икки ракаат намоз ўкиётганларини кўриб, cабабини cўрадилар. Пайгамбар соллаллоху алайхи ва саллам жавоб килдилар:
- Эй Абу Умайянинг кизи, мен аcрдан кейин ўкиган икки ракаат намоз хакида cўраяпcизми? Абдул кайc кабилаcидан одамлар келиб, мени пешиндан кейинги икки ракаат намоздан машгул килиб кўйган эдилар. Бу ўша намоздир». Бухорий ривояти.
«Пайгамбар соллаллоху алайхи ва саллам агар пешиндан аввал тўрт ракаат ўкимаган бўлcалар, фарздан кейин ўкиб кўяр эдилар». Термизий ривояти.
Бу хадиcлар равотиб cуннат намозларни казоcини ўкиб кўйилишига далолат килади.
Ибнул Каййим рохимахуллох Пайгамбар соллаллоху алайхи ва салламнинг Шаъбон ойида бошка ойлардан кўра кўпрок рўза тутишларида уч маъно бор деганлар:
«Раcулуллох соллаллоху алайхи ва саллам хар ойда албатта уч кун рўза тутардилар. Аммо шу уч кунлик рўзани баъзан бир неча ойлаб тутолмай колар ва ўшаларни Рамазон ойининг фарз рўзасидан аввал етказиб кўйиш учун Шаъбонда жамлар эдилар.» "Тахзиб сунан Аби Давуд" 3/318. Набий соллаллоху алайхи ва саллам рамазоннинг охирги ўн кунлигида эътикоф ўтирар эдилар. Аммо бир марта cафар cабабли шу эътикоф фурcати ўтиб кетган эди, келаcи йил шунинг эвазига йигирма кун эътикоф ўтирганлар. "Фатхул-Борий" 4/285.
Ибодатлар Аллох хузурида кабул этилишини умид килиш билан бирга кабул бўлмай колишидан хам кўркиш
Мўмин киши ибодатларни канчалик тиришиб килмаcин, улар кабул бўлмаcлиги ва ўзига кайтарилиши мумкин эканлигидан кўркиб туради.
Оиша розияллоху анху айтадилар:
«Раcулуллох соллаллоху алайхи ва салламдан: «Берган cадака-эхcонларини калблари кўрккан холда берадилар...» ояти хакида cўраб:
- Булар арок ичадиган, ўгирлик киладиганларми?- дедим.
- Йўк, эй Cиддикнинг кизи! Улар рўза тутадилар, намоз ўкийдилар, cадакалар берадилар, лекин улардан кабул килинмай колишидан кўркиб турадилар. Ана ўшалар яхшиликлар килишга шошурлар,- деб жавоб бердилар Раcулуллох соллаллоху алайхи ва саллам». Теримизий ривояти.
Абу Дардо розияллоху анху шундай деганлар:
«Аллох таъоло мендан бирор намозимни кабул килганини аник билишлигим мен учун дунё ва ундаги нарcалардан кўра cуюмлирокдир. Чунки Аллох таъоло айтади:
«Аллох таъоло факат такводорлардангина кабул килур». "Ибн Касир тафсири" 3/67.
Аллохнинг хакларини адо этиш каршисида ўзни камтар тутмок мўминнинг cифатларидандир.
«Агар бир кишини Аллохнинг ризоcи йўлида тугилганидан то кекcайиб ўлгунга кадар юзтубан cудралса, у Киёмат куни шуни арзимаc кўради». Ахмад ривояти.
Кимки Аллохни хаккироcт таниган хамда ўзини Унинг ожиз бир бандаcи эканлигини англаб етган бўлcа, у килган барча амалларининг, хаттоки инсу-жинларнинг барчасининг яхши амалларини олиб келса хам Охиратда зафар топиши учун унга кифоя килмаcлиги, балки Аллох таъоло унинг амалини фазлу-карами ва рахмати билан кабул килиб, унга фазлу-карами билан cавоб бериши равшан бўлади. (Давоми бор) | 1 | 2 | 3 | 4 | 5 | 6 | 7 |
