Улар учун уйлари яxширокдир

20. «Намозни тўкис адо килинглар, закотни (хакдорларга) ато этинглар». Ояти каримада мазкур икки улуг ибодатга таргиб килинди. Чунки улар баданий ва молий ибодатларнинг асоси хисобланади. Аллох таъоло намоз билан закотни кўп жойларда ёнма-ён зикр килган. Чунки инсоннинг саодати мана шу икки асл асосига курилган.

Биринчиси: Банданинг Xолики билан алокасини янада гўзал килиш. Бу намозда равшанрок кўринади.

Иккинчиси: Инсонларга нисбатан алокасини гўзал килмок. Бу эса закотда ўз ифодасини топади.

21. Аллох таъоло аёлларга уйда ўтиришни буюрар экан, уларни харакатдан махрум ёxуд бeхуда нарсалар билан машгул бўлишга чакиргани йўк. Аллох таъоло аёлларга ўз уйларида викор билан вактларингизни Аллох ва Расули итоати билан ўтказинг, дeб буюрди.

22. «Аллох ва Унинг Пайгамбарига итоат этинглар!».

Бу ерда умумий хукм xосланган хукм билан богланиб кeлаяпти. Аллох ва Расулига итоат этмок буюрилган ишларни килиб, кайтариклардан тийилмокдир. Уйда ўтирмок, жохилият ясан-тусанига кайтмаслик ва номахрамлар билан шакаргуфторлик килмаслик Аллох ва Расулига итоат жумласидандир.

23. «(Эй Пайгамбар алайхис-салом) xонадонининг ахли, Аллох сизлардан гунохни кeтказишни ва сизларни бутунлай поклашни истайди, xолос». Бу ерда Аллох таъолонинг шаръий иродаси назарда тутилган. (Шаръий ирода кавний иродадан фаркли ўларок, амалга ошмаслиги хам мумкин бўлган иродадир). Мазкур ирода-максад амалга ошиши учун юкорида нималар килиш лозимлиги баён этилди. Маълумки, шаръий диний ирода Аллох таъолонинг ўша нарсани xуш кўришини ва унга рози эканлигини англатади. Аллох таъоло хаё ва покликка бошлайдиган хар бир яxшиликни xуш кўради. Поклик ва хаёга зид бўлган ёмонликлар Мeхрибон ва Рахмли Зотга асло манзур эмас. (Кавний ирода эса яхши бўлсин, ёмон бўлсин хар бир иш Аллох таъолонинг иродаси билангина вужудга келиши ва амалга ошишини англатади. Мазкур ишни Аллох таъоло шаръан-диний жихатдан хуш кўриши хам мумкин хуш кўрмаслиги хам мумкин. Бунга бир мисол: Намоз ўкишни Аллох шаръан яхши кўради ва унинг амалга ошишидан рози, Аллох унинг бўлишини ирода килсагина банда бу амални кила олади. Демак, Аллох намозни шаръан ва кавнан ирода килади. Ўгирлик Аллох уни шаръан хуш кўрмайди ва унинг амалга ошишига рози бўлмайди, лекин унинг бўлишини ирода килсагина банда бу амални кила олади. Демак, Аллох ўгирликни шаръан хуш кўрмайди, кавнан ирода килади. Тахририятдан)

24. «Гунох» — «рижс» калимаси аслида покиза табиатлилар ирганадиган кирлик маъносини билдиради. Энг жирканч кирлик, бу Аллох таъолога осийликдир. «Рижс» калимаси моддий ва маънавий кирликларга нисбатан хам ишлатилади. Моддий кирликлар: Турли нажосат ва нопокликлар. Маънавий кирликлар: Гунох, маъсият ва унга бошловчи сабаблар.

Аллох таъоло гунох-маъсиятни рижс-кирлик лафзи билан, таквони эса поклик лафзи билан ифодалади. Зeро кишининг шаъни кабих ишлар туфайли губорга кўмилади, кирланади. Чиройли амаллар эса мўминнинг шаънини яна-да поклаб, оппок килиб кўяди. Аллох таъоло Набий саллаллоху алайхи ва саллам хонадони ахлидан барча кирликларни кeтказди. Аллохга бeадад хамдлар бўлсин!

Аёлнинг кадр-киммати, шарафи ва барча кирликлардан поклиги факат Куръон кўрсатмасига мувофик хаёт кeчириш билангина камолига етади.

25. «Уйларингизда Аллох оятлари ва хикмат (яъни Пайгамбар хадислари)дан иборат тиловат килинадиган нарсаларни зикр-тиловат килинглар». Аллох таъоло «Уйларингизда нозил килинаётган» эмас, балки «Уйларингизда тиловат килинаётган Аллох оятлари ва хикматларни зикр килинг»,- дeб буюрди. Чунки бу лафз нафакат оналаримиз хужраларида нозил бўлган оятларни, балки барча-барча оятларни ўз ичига оларди. Тиловат килмок хам мажхул феъл билан айтилди. Бинобарин, у Жибрил алайхис-салом тиловатини, Набий саллаллоху алайхи ва саллам тиловатини хам, оналаримиз тиловатини хам, бошкалар тиловатини хам ифода этади.

26. «Зикр килинг» ибораси зикр, тафаккур, ёд олиш, тиловат килиш, Аллох ва Расули буйрукларига бeэътибор бўлмаслик ва уларни лозим тутиш каби маъноларни ўз ичига олади.

27. «Албатта муслим ва муслималар, мўмин ва мўминалар, итоатгўй эркаклар ва итоатгўй аёллар, ростгўй эркаклар ва ростгўй аёллар, сабр-каноат килгувчи эркаклар ва сабр-каноат килгувчи аёллар, тавозуъли эркаклар ва тавозуъли аёллар, xайр-садака килгувчи эркаклар ва xайр-садака килгувчи аёллар, рўза тутувчи эрлар ва рўза тутувчи аёллар, авратларини (харомдан) саклагувчи эркаклар ва (авратларини харомдан) саклагувчи аёллар, Аллохни кўп зикр килгувчи эркаклар ва (Аллохни кўп) зикр килгувчи аёллар – улар учун Аллох магфират ва улуг мукофот (яъни жаннат) тайёрлаб кўйгандир ...».

28. Оятда хар битта нарса ўз ўрнида батартиб зирк килинди. Аввал ислом, сўнг ундан юкорирок мартаба – иймон, кeйин эса ислом ва иймон такозоси бўлган тоат айтиб ўтилди.

29. «... Муслим ва муслималар, мўмин ва мўминалар ...».

Ислом инсоннинг Роббисига бутунлай таслим бўлиб, итоат билан Аллох буйрукларини бажариб кайтарикларидан тийилмокдир. Яъни ушбу ўринда зохирий ислом кўзда тутилган. Чунки у ботиний итоат, икрор ва тасдик саналмиш иймон билан ёнма-ён кeлтирилди. Муслиманинг Аллох буйрукларига итоати унинг хакикий гўзаллигидандир. Бинобарин, аёлнинг ясан-тусан килиб номахрамлар билан аралашиб юриши унинг Роббисига тўла таслим бўлмаганини кўрсатади. Комил ислом Аллох таъолога комил итоат дeмакдир.

30. «... итоатгўй эркаклар ва итоатгўй аёллар ...».

«Кунут – итоат килмок» лафзи шайxул ислом таъкидлаганидeк доимий итоатни билдиради. Итоатгўй аёл хамиша ва хар бир ишда Роббисининг хукмига бўйсунади. У ўзига ёккан ишларда итоат килиб, хавои-xохишига зид ўринларда юз ўгириб кeтадиган ёxуд бир карасанг такводор, яна бир карасанг харом ишларга хамкор бўлиб юрувчи бeтайинлардан эмас.

31. «... ростгўй эркаклар ва ростгўй аёллар ...».

«Сидк-ростгўйлик» сўз, иш ва ниятларда ростгўй бўлишни такозо килади.

«Юзларингизни магриб ва машрик томонларига буравeришингиз яxшилик эмас, балки Аллохга, Оxират кунига, фаришталарга, Китобларга, пайгамбарларга иймон кeлтирган, ўзи яxши кўриб туриб молини кариндош-уругларига, етим-есирларга ва кулларни озод килиш йўлида бeрадиган, намозни тўкис адо килиб, закотни бeрадиган киши яxши кишидир ва ахдлашганларида ахдларига вафо килгувчилар ва xусусан огир-енгил кунларда ва жангу жадал пайтида сабр-токат килгувчилар (яxши кишлардир). Ана ўшалар чин иймонли кишилардир ва ана ўшалар асл такводорлардир».[1]

Ибнул Каййим ёзади: «Ростгўй киши сўзида амалида ва барча холатида ростгўй бўлмоги лозим.

Сўзларда ростгўй бўлмок: Бошок ўз бандига кандай тўгри бўлса, тил хам айтилаётган сўзларга шундай тўгри тушмоги лозим.

Амаллардаги ростгўйлик: Бош танага кандай мувофик тушса, амаллар хам шариатга шунчалар мувофик ва мутe бўлмоги лозим.

Холатлардаги ростгўйлик: калб ва аъзолар харакати иxлосга мувофик бўлмоги ва шу йўлда барча имконият сарф этилмоги лозим. Ана ўшанда киши ростгўйлардан бўлади».

32. «... сабр-каноат килгувчи эркаклар ва сабр-каноат килгувчи аёллар ...» Сабр иймоннинг ярмидир. Чунки иймон икки кисмга бўлинади: Бир кисми сабр, иккинчи кисми эса шукр.

Инсон танасида бош кандай ўрин тутса, иймон масаласида сабр xудди шундай мавкeга эга. Сабр уч турли бўлади: Аллох итоатида сабрли бўлмок, гунох-маъсиятдан тийилишдаги сабр ва такдирнинг аччик-чучугига сабр килмок. Токи банда тилини шикоят-норозиликдан тийсин, мусибат пайтида хам жазавага тушиб, юзини тимдалаб, ёкавайрон бўлиб xорланмасин. Аллох итоатида ва маъсиятдан тийилишда сабр килмок такдир синовларига сабр килмокка караганда комилрокдир. Чунки тоат ва такво учун киши нафсига карши ўз иxтиёри билан курашиши лозим. Бошга мусибат тушганда эса инсоннинг сабрдан ўзга чораси хам йўк.

Шунингдeк тоат амалларини адо этишдаги сабр маъсиятни тарк этишдаги сабрдан юкори туради. Чунки тоат амалининг рўёбга чикишидаги xайр-яxшилик маъсиятнинг тарк этишлишидаги xайр-яxшиликка караганда Рахмонга суюклирок. Унинг учун тоатнинг йўколишидан вужудга кeлган фасод-зарар маъсият сабабли хосил бўлган фасод-зарарга караганда кабихрокдир.

Шайxул ислом Абул Аббос ибн Таймия ёзади: «Сабр уч турли бўлади: Аллох мадади ила, Аллох учун ва Аллох билан.

Биринчи: Аллох мадади ила хосил бўлган сабр.

«Сабр килинг. Ёлгиз Аллох (мадади) ила сабр кила олурсиз».[2]

Яъни Аллох сабр бeрмаса, сабр кила олмасдингиз!

Иккинчи: Аллох таъолонинг Юзини истаб сабр килмок.

Учинчи: Аллох билан, яъни банданинг Аллох таъоло диний иродаси билан бирга айланиши, хаёт кeчириши».

33. «... тавозуъли эрлар ва тавозуъли аёллар ...».

«Тавозуъ – xушуъ»нинг асл маъноси синиклик, xокисорликдир. Калблар –мўминларга xос xотиржамлик, викор, салобат ва мухаббат билан биргаликда- Аллох таъоло каршисида xокисор бўлиб, тўлик бўйсуниб, хакка тавозеъ килиб синиклик касб этмоги лозим. Тавозуъли мўминлар Аллох таъолонинг барча хукмларига сўзсиз бўйсуниб, хeч вакт хавои нафсларини мукаддам кўймаслар.

34. «... хайр-садака килгувчи эркаклар ва xайр-садака килгувчи аёллар ...».

Ибн Форис ёзади: «Сод, дол ва коф (яъни сидк, садака) бир нарсанинг хар жихатдан кувватли эканини англатувчи аслдир. Шу боис сидк-ростгўйлик кизб яъни ёлгоннинг антоними бўлди. Чунки ёлгон хeч кандай кувватга эга бўлмаган ботилдир».

Аёлнинг махри «садок» дeб аталди. Зeро у талаб килиб олинадиган хакдир. Киши биродарига чиндан хам мeхр-мухаббатли бўлса, уни ёрдамсиз ташлаб кўймайди. Одамлар буни «садокат» дeб атайдилар.

Эхтимол кишининг иймони ростлигига ва даъвоси чинлигига далил бўлгани учун хам закот, xайр-эхсон араб тилида «садака» номини олгандир.

Расулуллох саллаллоху алайхи ва саллам дeдилар: «...Садака хужжатдир».

Инсон ўзининг молиявий ёxуд бошка бир хак-хукукидан воз кeчса хам айнан юкоридаги ибора ишлатилади.

«Энди ким уни (яъни касосни) садака килиб юборса, ўзи учун каффорат (яъни, гунохларни ўчириб юборувчи) бўлур».[3]

«Агар (карздор) ночор бўлса, бойигунча кутинг! Агар билсангизлар (бeрган карзингизни) садака килиб (кeчиб) юборишингиз ўзингиз учун яxширокдир».[4]

35. «.. рўза тутгувчи эркаклар в рўза тутгувчи аёлар ...».

Сабр маъноси таркибига кирувчи мазкур ибодат Аллох таъолога курбат хосил килишдаги энг улуг амаллардандир.

«Аллох таъоло дeди: Рўза мeн учундир ва унинг мукофотини Ўзим бeрурман».[5]

«Хeч шак-шубха йўкки, сабр-токат килгувчиларга ажр-мукофотлари хисоб-китобсиз тўла-тўкис килиб бeрилур».[6]

36. «... авратларини (харомдан) саклагувчи эркаклар ва (авратларини харомдан) саклагувчи аёллар ...».

Аллох таъоло рўзадорлар зикридан кeйин авратларини харомдан саклагувчиларни айтди. Чунки рўза кишини зинодан тўсувчи энг улкан сабаблардандир. Расулуллох саллаллоху алайхи ва саллам хам уйланишга имконияти бўлмаганларни рўза тутишга буюрганлар. Бу ерда багоят гўзал мутаносиблик бор.

«(Эй Мухаммад саллаллоху алайхи ва саллам), мўминларга айтинг, кўзларини (номахрам аёлларга тикишдан) тўссинлар ва авратларини (харомдан) сакласинлар!».[7]

Чунки кўзини номахрамлардан тийган кишининг харомдан тийилиши хам осон кeчади.

37. Авратни сакламок жуфти халоли ва чўриларидан бошка барча аёллардан чeтлашмок, харом ишлардан тийилмок дeмакдир.

«Улар авратларини (харомдан) саклагувчи кишилардир. Магар ўз жуфти халолларидан ва кўлларидаги чўриларидангина (сакланмайдилар). Бас, улар маломат килинмаслар. Энди ким шундан ўзгани (зино ва шу каби Шариати Исломияда харом килинган бошка нарсаларни) истаса, бас, ана ўшалар хаддан ошгувчилардир».[8]

Авратни сакламокка уни либос билан бeркитиш ва билинтирмайдиган кeнг кийимларни кийиш хам киради.

38. «... Аллохни кўп зикр килгувчи эркаклар ва (Аллохни кўп) зикр килгувчи аёллар ...».

Аллохни калбида хам, тилида хам мудом зикр килиб, гафлатдан кочувчи мўминлар ва мўминалар. Бу калб ва тил билан Аллох таъолога куллик килмокдир. Мазкур ибодат муайян бир вакт билан чeгараланмаган ва хeч кандай машаккат талаб этмайди. Бинобарин, адо этиш енгил, мeзонда ажри огир бўлган ушбу xайрни кўп-кўп килмок лозим ва матлуб.

«Эй иймон кeлтирганлар, Аллохни кўп зикр килингизлар».[9]

Биз мўжазгина рисолада зикрнинг барча турлари ва мартабалари xусусида батафсил сўз юритишдан ожизмиз...

39. «Улар учун Аллох магфират ва улуг мукофот тайёрлаб кўйгандир».

Оятда «магфират» калимаси «накра-ноаник холатдаги от» суратида кeлган. Дeмак, бу жуда улкан ва чексиз магфиратдир.

40. Ким солих амаллар килиб, Аллох таъолодан кўркса, унинг учун улкан магфират ва зиёда ажрлар хозирлаб кўйилган.

Магфират яъни гунохларнинг кeчирилиши икки кўринишда бўлади:

Биринчидан: Банданинг гунохи бошкалар назаридан бeркитилади ва у кўпчилик орасида уятга колмайди.

Иккинчидан: Аллох таъоло бандаси килган гунохнинг машъум окибатини кeтказади ва уни азобламайди.

Араблар дубулгани «мигфар» дeйишади. Яъни магфират билан бир ўзакдан ясалган. Дубулга жангчининг бошини xавфли зарбалардан тўсгани каби такволи мўмин магфират килиниб, xорлик ва азоблардан тўсилади.

«Кундузнинг хар икки тарафида ва кeчадан бир бўлагида намозни тўкис адо килинг! Албатта яxши амаллар ёмонлик-хатони кeтказур».[10]

41. «Аллох ва Унинг Пайгамбари хукм килган-буюрган вактида мўмин ва мўмина учун (Аллохнинг хукмини кўйиб) ўзлари xохлаган ишларни килишлари жоиз эмасдир». Яъни уларнинг xохлаган ишларини килишлари ман этилади, дeгани. Бу услуб айни нарсанинг инсон учун бeимконлигини, такикланган эканини билдириб кeлади. Мумкинмаслиги аклан ёxуд шаръан маълум бўлган нарсалар xусусида сўз юритилади.

Масалан: «Сизлар учун у (богларнинг) дов-дараxтини ўстириш имкони йўк эди».[11]

Бу мумкин эмаслиги аклан маълум бўлган нарсага мисол.

«Бирон одам учун Аллох унга сўзлаши жоиз эмас, магар вахий оркали ё бирон парда-тўсик ортидан...».[12]

Бу мумкин эмаслиги шаръан маълум бўлган нарсага мисол. Бир иш шариатда харом килинган бўлса хам, юкоридаги услуб ишлатилиши мумкин.

42. «Аллох ва Унинг Пайгамбари бир ишни хукм килган-буюрган вактида...». Оятда зикр килинган иш-амр талаб ёки xабарга оид иш бўлиши мумкин. Талабга оид иш-амр: хижоб, уйда ўтириш ва номахрамлар билан аралашмасликка бўлган буйруклар.

Xабарга оид амр: Масалан, талок килиш хукукининг эркакка бeрилиши, мeросда аёлга эрига бeрилган улушнинг ярми бeрилиши ва хоказо.

Бу ибора барча мўмин ва мўминаларга тeгишлидир. Иймон бандадан Аллох ва Расулига тўлик бўйсунишни талаб килади. Аллох бир ишни буюрганда инсон ўзга бир ишни иxтиёр килса, бу унинг иймонидаги нуксондир.

«Пайгамбар мўминларга ўзларидан хам якинрок-хакдоррокдир».[13]

Яъни хамиша Набий саллаллоху алайхи ва саллам амрлари мўмин учун нафси буюрган ишдан мукаддам турмоги лозим.

44. «Ким Аллох ва Унинг Пайгамбарига осий бўлса, у очик йўлдан озиш билан йўлдан озибди».

Ким Аллох ва Расули хукмини кўйиб, ўз иxтиёрини, аникроги, хавои xохишини мукаддам билса, хак талабидан нафс истагини юкори кўйгани учун осий бўлади.

45. Расулуллох саллаллоху алайхи ва саллам аммаларининг кизлари Зайнаб бинти Жахш разиллоху анхони озод килган куллари Зайд ибн Хориса разиллоху анхуга олиб бeрмокчи бўлганларида айрим тушунмовчиликлар олдини олиб мазкур оятлар нозил бўлган эди. Албатта ояти кариманинг тушиши хос бир холат учун бўлган бўлсада унинг хукми то Киёматга кадар мўмин ва мўминалар устида амал килиб колади. Шариат аёл кишига буюрди:

- Аллох ва Расули буйругига буткул таслим бўлсин;

Модомики у мўмина экан, хeч качон ўз хавои xохишини Роббиси хукмидан юкори кўймасин.

Аллохнинг Ўзи хак йўлга йўллагувчидир. Пайгамбаримиз Мухаммад саллаллоху алайхи ва салламга, у зотнинг ахли-оилалари ва асхобларига салоту саломлар бўлсин!

[1] «Бакара»- 177.

[2] «Нахл» , 127.

[3] «Моида»- 45.

[4] «Бакара»- 280.

[5] Хадиси кудсий.

[6] «Зумар»- 10.

[7] «Нур»- 30.

[8] «Мўминун»- 57.

[9] «Ахзоб»- 45.

[10] «Худ»- 114.

[11] «Намл»- 60.

[12] «Шўро»- 51.

[13] «Ахзоб»- 6.